البيت القديم
شعر والقاء الاديب الاستاذ علي المصطفى
جدار ممزوج سمنت مع طين
يذكرنا ابزمن ماضي مهو الحين
يذكرنا ببناي الفريق الزين
يذكرنا ببو عزوز وعبدالله ذكر طيبين
وهاشم يا حلا البنيان لماضي اسنين
بنو ابيوت بقوتهم الين الحين
و كل من شافهم ردد بقلبه تسلم اليدين
يجي الاستاذ يشوف الارض
يكون تمتيره بالخطوات
هذا واحد وهذا اثنين يحددها وتكون سكتات
ويأخذ زاويه ويوقف
ومع نفسه تكون كلمات
ومن ثم ينادي بحب
أقول كم عندك البيزات
ترى أرضك كبرها زين
وأهل الزين لهم طلبات
يجاوب في فرح ظاهر
تكون الأرض للعيلات
ومثلي في البحر بحار
يعيش ابكامل الخيرات
يبو عزوز لك الشوره
وما تخطط يكون عطوات
متى لمقدم اندفعه
وبحول الله نكون بادين
قبل ما تعطي لمقدم
تعال ياحجي نتكلم
بعض لغرف لها ميزه
تعيش فيها و تتنعم
وأكبر غرفه للجلسه
مع البحاره تتكلم
وجنبهم للطبخ تنور
و طبخه طعمه الاسلم
وهذا الحوش لقعدتكم
وللأطفال لهم مغنم
مع الألعاب تجمعهم
مفي أخطار ولا سلم
وأما الخلوه في الثاني درايشها تكون الحلم
بتبقي العيله في لمه
براد والكل متجمعين
هذا أول و يا محلاه
هذا أول ذكر منعوت
هذا أول وما أنساه
وأهدي له جميل الصوت
يا حبه في وسط قلبي
يا طعمه يا طعم بسكوت
يكون بناينا امهندس
على ايده عمار ابيوت يكون تخطيطه في التوزيع
و في البنيان يكون اسكوت
أمانه في الشغل يعطي
بخوف الله وحساب الموت
وقناعه في الرزق ترضي وسماحة أنفس امحبين
تعليقات
إرسال تعليق