احنا بشر
ودوم البشر يخطي ويصيب
احنا بشر
و دوم الوفي يلقي حبيب
وتبقى الحياه المدرسه
والمدرسه لا ما تكون فيها غريب
وتبقى الدروس فيها عبر
وتبقى العبر ما يكشفه الا الطبيب
اصفح وسامح والسماح
يهديك بهجه وارتياح
والبهجه تقبل في القريب
بالفرحه والفرج القريب
ابيوتنا كانت في القديم
عيشة رضا يسندها خالقنا العظيم
والجيره يحميها الوفا دايم مديم
جارك تشوفه في العطا انه كريم
سنده وعونه ونخوه وقليبه رحيم
تخجلك منه طيبته
وتنسى بعد انك في ضيم
رغم ما يعاني بحالته و ربنا عليم
كنا و حالتنا جميع مثل مثل
ويبقى الرجل قول وفعل وللعين كحل
واللي نخاك ذكره أبد لا ما يغيب
والبهجه تقبل في القريب
بالفرحه والفرج القريب
كانت صوابيطنا جمال
جلسه بحشمه في الظلال
الام تحس زوجها قريب
والجد يدلعونه الجهال
هذا بتمره له يجي
والماي يقدمونه ابدلال
حتى الابو ان جه وقعد
اولاده يشعرهم رجال
قدام اعيونه الجميع
والتربيه مالها مثال
اصحابهم جار وقريب
واحيانا ايكون ابن خال
والعم و شياب الفريق
جلست محبه واعتدال
هذا يسولف كان غيص
وبحار دايم في ارتحال
وهذا يسولف في البناء
اقضى سنينه ونال مال
وهذا يسولف كان يجيب
الماي وكان رزقه حلال
وهذا في شغله مستمر
قفاص ويغنيه ذي الجلال
وهذا يبيع اجمل قماش
وبكل صراحه خير نال
واجدادنا اشموع الفريق
ودايم سوالفهم تطيب
والبهجه تقبل في القريب
بالفرحه والفرج القريب
تعليقات
إرسال تعليق