لو كنت أنت
شعر والقاء الاديب الاستاذ علي المصطفى
تقابلنا وكان مهموم حزن حزنين
وجه ذابل كمن ايعاني من اسنين
همومه هم كما من صابته العين
بديت أسأل و جاوبني بحرقه اتبين
علامي من أحس عزي لهم عزين
أشوف للغير محبتهم تكون ضعفين
ما يهدوني أبد بهجه الى قلبي والقى منهم الاجحاف طعن سكين
برغم انهم يعرفوا محبتي حقهم
تفوق الوصف ولا مثله سكن قلبين
وابقى وكتمة احزاني ومعاناتي مع الدمعه وبالحيره أحس مسكين
ولكن ٠٠لا ٠٠ عطاني ربي ما يبهج
ومن حقي أصونه ابعيني الثنتين
لأن الغصن لو عطشان بيسعدنا
و يقدم للجميع جوري مع الياسمين
عازف الحي
اذا فنان واذا كاتب في وسط الحي ما يطرب
يشعرونه كما موجه تغرقهم مع المركب
يشعرونه ما يرضيهم ولا هو حقهم الانسب
كما انقال في الامثال في عازف حي لا يطرب
برغم انه في حي اخر يفضلونه يسمعونه وبعد ينحب
وبعض احياء يطلبونه و يقدمونه وبه يترحب
فهل معناه برغبتهم يكونوا ضده متفقين
الحسد
بعضهم يحسد العاطي بعضهم داخله القسوه ما يعطي سمع لا عينين
وحتى قاسي في العطوه تعابيره تقول اشياء
ووجه ابساط ما يطوى
يحس انه قوي التقيم
وحقيقه شي ما يسوى
وكل من يعرفه يعرف
لا فيه الخير و لا امروه
يهمه يحسد العاطي
يهمه ابنظرته الاقوى
وعليه اعيون يا ساتر
وفكره في الخصال الشين
التحطيم
بعضهم من يشوف لمه يمدحوا من ذكر اسمه
وجه مقلوب ومخنفس
عوج بوزه بلا رحمه
كما من صابته قرصه كما من صابته لطمه
وصوته ما فزع للخير سوى التحطيم في دمه
ولا يخلي ولا يبقي ويزيد ازياده في ظلمه
ولما الكل يسألونه من هذا يجاوب ما يعرف اسمه
ويبقى ابقوته وغرور يحسب الكل له امصدقين
الانصاف
تربينا وتربينا تربينا
أيادي خير ما نظلم
عيون ما تحسد اللقمه ابكلام الطيب تتكلم
سعاده للضعيف نحميه
ولا يرضون يتألم
علامه اتغيرت لطباع ونرضى ابدربنا المظلم أهلنا ازرعوا فينا
مشاعر خير ما تكتم نسند الخير بالتقدير
نقول للعاطي ابيسلم
ونعطي للحسد تهميش وللتحطيم طعم السم
ومن يعطي ينال انصاف حلانا بالسلوك الزين عطا يشكر حسد يدفن حلانا ابخير متجمعين
تعليقات
إرسال تعليق