ذكريات طفل يحبي
شعر والقاء الاديب الاستاذ علي المصطفى
يا اليها ابقلبي صيت
مثل فرحه مثل بيت
لا تضنونه هواجس
او حلاوه و شاكليت
عيشوا وياي ماقصدته واعرفوا شنهو عنيت
فيها من ايدي تراثنا
عندما ابصغري حبيت
يا حصير والله سفره
يا مراوح يد لقيت
والطفوله تبقى رسمه
و ما بتمحى ما حيت
ترى للديره مكانة
والقطيف فيها ربيت
ديره من أرضك بلادي
مهما اوصف ما وفيت
اهني باب اهني دريشه
اهني بيت يحضن معيشه
او نخل يحضن أيادي
كل عطاه يهدينا عيشه
منها نشعر بالسعاده
مثل طير اجناحه ريشه
والاسر تعطي وتكافح
من غبش الله غبيشه
اهني قصة شجر عاطي
اهني طير يسعد بعشه
اهني نخله ابعذق راهي
واهني جد طاحت ارموشه اهني صاباط اهني زرنوق
وكل بيت سقفه عريشه
ما يخر وجذوع سقفه
وللمطر نلبس له خيشه
كانت ايام ماهي احلام
وأحلى دار حصره مفروشه
كان لوزار لبسه زاهي
في النخل والشغل أضعاف هذا يزرع هذا يسقي
هذا يرجي خافي للطاف
والجمع يعطواعطاوي
والثمر أشكاله أصناف
وان وصلت السوق تلقى
خير تعطيه أحلى لوصاف
يبتهج خاطر الشاري
كل جمال زاهي بينشاف حتى من يده تنقي
في امانه و ربه بيخاف
يا عطا خيرك أرضنا
والثمر لالا ما بينعاف
آه يا ايام حلوه وادعتنا
وفي النخل عشه معروشه
للبحر اوزار ساتر
ملحه بيثبت الوانه
ينزل ابرجله يخوضه
والثقه في الله سبحانه
والشبك يحمله كتفه
في رجوله زان زانه
والبعض حضره لصيده
وبشكر يهتف عطانا
خيراها ما في مثيله
والعطا ازياده و كفانا
لك يا خالقنا شكرنا
ومن سعى ينسى حرمانه
والبعض قارب يجدف
والبعض مركب الدانه
رحلة الغوص ما بتنسى
رحله حقها كل مكانا
كانت ايام ما بترجع
مع حلاوتها المعيشه
كان لوزار لبس شايع
وكل منا اسمه سامع
يا حلاته طاب ذكره
بين لسواق والمزارع
وما ذكرته سبق ذكره
واللي جاي الحين تابع كان للقفاص لبسه
وحتى للصفار طايع
ومن يشغلون الحداده
وشاغل الفخار يبدع
ومن بيبني او بيخلط
أحلى صيت كل المسامع
يبقى ساتر في لباسه
والسعر خفة اقروشه
تعليقات
إرسال تعليق