حروف الذكريات
شعر والقاء الاديب الاستاذ علي المصطفى
( 1 )
على جدار السطح باليد شخبطنا
بوصلات الفحم أوقات قعدتنا
ورسمنا بايدنا تذكار صور أعراس
ورسمنا لعمرنا أقدار بكل احساس
وعشنا والفرح مرات
ونقشنا والصور كلمات
وصغنا للقمر صوره
تسامرنا مع السهرات
ترافقنا في كل فرحه
وتجدد عندنا الخطوات
( 2 )
كبرنا وكل شي يكبر
بس اللي نقشناهم على ما هم
على ما هم بقوا اسنين
وعلى ما هم بيبقوا اسنين
ولا فيهم بيتغير غير إحنا
إذا طاوعنا ما يقولوا بلا تفكير
إذا رضينا نغيرهم بلا تدبير
واخذنا جارف التغير
نتم نصارع الأيام
نتيه في زحمة الأحلام
ونلقى كل شي أوهام
( 3 )
حروف الذكريات اللي نقشناهم
أنا و انتي
أحن ليهم
وكل لحظه يجذبوني
أروح يمهم وأقراهم
وأبقى عندهم واقف
وأتذكر طفولتنا وأتذكر براءتنا
واحنا اشلون بنسولف
عن الوقت اللي فيه نكبر
بيتغير ؟ أو يبقى على ما هو
حلم أخضر
على ما هو ما يتنكر
ويهتف صوته في قوه
وهم أكبار أربيهم أبد والله مخليهم
يمسحوا حروف خطوهم
تعليقات
إرسال تعليق