الحلم
شعر والقاء الاديب الاستاذ علي المصطفى
كنت أتمنى أشوفك لو في حلمي
وصوتك ابفرحه يناديني في اسمي
دام ماتبقى حقيقيه حسب علمي
جود بالموجود بابياتي ونظمي
تبقى للمشتاق آمال الرجاء
تطفي نيراني وفي ربي أسمي
دايم الاحلام بها الفرحه وحنين
دايم الاحلام أماني العاشقين
تهدي ما يبعد عن الوقع كما
عود أخضر في عطور الياسمين
انتي روضي انتي افراح السنين
وانتي ما احمل من الحب الدفين
انتي كل يومي وشمسه للدفا
انتي في ليلي أسامرها كنجمي
وصوتك ابفرحه يناديني في اسمي
من سكنتي روحي لا مثلك
ولا عيني رأت مثلك مثيل
صرت أشعر كل سعاده
وحتى كل كوني جميل
هالمشاعر ما بيحملها بطيبه
غير من طبعه وفي وأنه أصيل
وهذا مو معناه مديحي للنوال
أو محب عانا مع صبره الطويل
عاش احلامه وافراحه بشوق
وما شكا او قال يا حزني وظلمي
كل سعاده ان تناديني بإسمي
ياسعاده يامحبه يا اراده
احضني روحي وقلبي في زياده
واشعريني الكون فرحه للوفي
و للمحب اينالها وتبقى ميعاده
وجددي افراح عمري بالرضا
و يهتني قلبي بتحقيقه مراده
وما افكر في حلم ويكون عاده
دام ربي فيها خصني من عباده
اشكرك يا ربي شكرين العطيه
فيهاآمالي و تمسح كل همي
وتسري في روحي المشاعر
يحتضنها قلبي ما يحتضن دمي
والسعاده ان تناديني باسمي
تعليقات
إرسال تعليق